Zinaida Jevlampievna eli Sohjanankošešša. Hiän oli karjalan kielen ta kulttuurin tietäjä ta šäilyttäjä, laulujen ta runojen esittäjä. Zinaida Ust’ugova yheššä Raisa Kundozerovan kera laulettih Sateenkari-duetissa. Še oli Sohjanan ylpevyš.
— Vanhoja lauluja myö tiijuštima kylän vanhoilta ihmisiltä. Lauluissa šäilyy muisto kotikylistä, männyöštä ajašta. On šurullista, jotta perinneh ei šiirry nuorilla. Kyläh jo moneh vuoten ei tultu elämäh nuoremmat ihmiset, pahekši Zinaida Jevlampievna pakinoissa toimmittajien kera.
Zinaida Ust’ugova ta duetti kučuttih erilaisih festivaliloih ta kilpailuih, missä monta kertua šuatih palkintoja.
Še on šuuri mänetyš karjalaisien kulttuurin šäilyttäjien šeurašša. Zinaida Ust’ugova hauvatah nellänäpiänä Sohjanankošen kyläššä.