Vepsän kul’turan voz’ lopihe čomal praznikehtal

Vepsän kul’turan voz’ lopihe čomal praznikehtal

Maria Košeleva
20.01.2023
Vepsän kul’tursebr tegi 2022. voden ühthevedoid Karjalan rahvahiden sebruden kodiš.
Vepsän kul’tursebran ühtnikad. Kuva: Maria Košeleva
Vepsän kul’tursebran ühtnikad. Kuva: Maria Košeleva

Männuden voden lopus Vepsän kul’tursebr tegi ičeze radon ühthevedoid. 2022. voz’ oli Vepsän kul’turan voden. Vepsän kul’tursebr tegeb Vepsän kul’turan voden akcijan kerdan kümnes vodes 1999. vodespäi. Vepsän kul’turan voz’ oli lujas znamasine Vepsän kul’tursebran täht. Sen aigan oli tehtud äi hüvid, tarbhaižid azjoid, miččiden keskes oli vastusid, konferencijoid, seminaroid, kursid. Läksi eloho ”Kalevala”-eposan täuz’ versii vepsän kelel, sen tegii om Nina Zaiceva. Kezal mäni sur’ openduzsessii vepsän kelen opendajiden, muzejiden da kul’turkeskusiden radnikoiden täht, ”Kodima”-lugendlehtez tegi literaturižen konkursan, miččehe ühtniba eri-igäižed ristitud vepsläižiden elontahoišpäi. 

Tehmaha Vepsän kul’turan voden satusiden ühthevedoid kerazihe Vepsän kul’tursebran ühtnikad da sebranikad. Azjtego mäni sures da čomas Karjalan rahvahiden sebruden kodin praznikzalas. Praznikeht jo čoman tradicijan mödhe zavodihe Vepsän rahvahan horan ezitusespäi. Hor pajati ičeze parahimid da tutabid pajoid. Praznikan vedäjan oli Karjalan arvostadud artist vepsläine Aleksandra Aniskina. Vepsän kul’tursebran pämez’ Larisa Čirkova starinoiči Vepsän kul’turan voden azjtegoiš da niiden satusiš. Petroskoin universitetan vepsän kelen opendai Ol’ga Žukova tarkašti starinoiči openduzsessijan polhe, a Vepsän kul’tursebran aktivist Natalja Silakova starinoiči hüviš Vepsän kul’tursebran praktikoiš da niiden prezentacijoiš erazvuiččiš Venäman lidnoiš. 

Vepsän kul’turan vodes meile ozastui tehta äi tärktoid da melentartuižid azjtegoid.
Larisa Čirkova, Vepsän kul’tursebran pämez’

Praznikehtal Larisa Čirkova andoi kitändkirjeižid kaikile, ked abutiba Vepsän kul’turan voden tegemižes, a Rahvahaližen da regionaližen politikan ministerstvan radnikad andoiba kitändkirjižid sures panendas vepsän kelen da kul’turan kehitoitandaha. Vepsän kul’tursebran pämest Larisa Čirkovad lahjoitihe Karjalan pämehen korktal znamal ”Panendas Karjalan valdkundan kehitoitusehe”.

— Vepsän kul’turan vodes meile ozastui tehta äi tärktoid da melentartuižid azjtegoid. Tahtoin sanuda sur’ spasib meiden kul’tursebran ühtnikoile, ked abutiba tehta Vepsän kul’turan voden, – sanui Vepsän kul’tursebran pämez’ Larisa Čirkova vastusen aigan.

Uden voden tundmust lahjoiči tulii praznikale Pakaižuk ühtes ičeze vunukanke. Hö ozateliba kaikid adivoid tulijanke Uden vodenke da toivotiba heile kaiked hüväd. Eht lopihe čajun jomižel kalitkoidenke da magedoidenke pirgoidenke, muga, kut navediba vepsläižed. 

Vepsän kul’turan voz’ lopihe, no edel Vepsän kul’tursebrad varastab jo äi melentartuižid da čomid projektoid, satusid da tärktoid matkoid. 



ПОХОЖИЕ СТАТЬИ
Karjalan Sanomat
Liitto yhdistää, opettaa ja valistaa
Karjalan rahvahan liitto on täyttänyt 35-vuotta. Järjestön tuella tasavallan asukkaat lukevat karjalaa, omaksuvat kulttuuria ja osallistuvat hankkeisiin.
Oma Mua
Vienan ta Repol’an Karjalan käsitöitä opaššettih Petroskoissa
Viime netälillä Petroskoissa piettih käsityökurššija. Trajektorija-fondin joukko opašti kaikkie halukkahie leikkuamah puušta ta ompelomah.
Karjalan Sanomat
Ystävyysseura aikoo lopettaa toimintansa
Karjala–Suomiystävyysseuran puheenjohtaja kutsuu jäseniä kokoukseen päättääkseen seuran kohtalosta. Järjestön toiminta lienee loppusuoralla.
Oma Mua
Vaiku pagizemal suau tiijustua, midä rahvas tahtotah
Karjalan Rahvahan Liitto täyttäy tänä vuon 35 vuottu. Vuvvennu 1989 Liitto on yhtistännyh lujii karjalazii, Karjalan muan suvaiččijoi, oman rahvahan uskottavii puolistajii, oman kielen kandajii.
Karjalan Sanomat
Kostamuksen teatteri: 66 näytelmää yleisölle
Kostamuksen draaman ja komedian kansanteatteri juhli pyöreitä vuosia aidolla italialaisella komedialla.
Karjalan Sanomat
Koirat parantavat lasten hyvinvointia
Koirat auttavat lasten fyysisessä ja psyykkisessä kuntoutuksessa Petroskoissa. Tänä vuonna koiraterapiaan on jo osallistunut yli 90 lasta.
Oma Mua
Mustu kaži Markiz
Jo tahtoin heittiä paginan meijän pienembih velleksih näh, ga uvvessah nouzi silmien edeh mustu kaži – valgei bantu kaglas da viizahat kullankarvaizet silmät.
Karjalan Sanomat
Ruskeala houkuttelee maisemakierrokselle ja tapahtumiin
Marmoripuistossa voi nauttia upeista maisemista, osallistua urheilukisoihin ja kuulla huippuluokan muusikoita.
Oma Mua
Ol’ga Stepan’an: “Minä kunnivoičen perindöllizii ruuttii”
Petroskoilaine Ol’ga Stepan’an ombelou ainavoluaduzii karjalazii da vepsäläzii perindöllizii ruuttii. Nygöi perindöllizis sovis rahvas kävväh ei vaiku folklourupruazniekkoih, niilöi pietähgi argipäivinny.
Karjalan Sanomat
Nuori karjalainen vaatebrändi kiikarissa
Muotisuunnittelija Julia Pavlova esitteli tuoreen vaatekokoelmansa muotiviikolla Moskovassa.
Войти
Регистрация
Пароль
Повторите пароль