Jelena Soini om Venäman Kirjutajiden sebran ühtnik, nellän runokogomusen i kuverdan-se pjesoiden avtor. Udehe kirjaha mülüiba jäl'gmäižiden voziden runod i parahimad töd edeližiš kogomusišpäi. Hän kirjutab runoid armastuses, pidändas nügüd'aigaha, ristituihe, ičheze. Kirjas ezmäižen kerdan om ezitadud nügüdläižiden suomalaižiden runoilijoiden (mugoižiden kut Risto Ahti, Heli Laaksonen, Enni Hauki), anglialaižen Nensi Mettsonan i kitajalaižen runoilijan Li Cin kändmižed venän kelel. Mugažo om kätud IV voz'sadan edel meiden aiganlugendad runoilijan Cüi Juan'an pala "Вопросы к небу"-runoelmaspäi.