“Zemskii doktor”: 80 medradnikad tuli Karjalaha vodel 2024
Vodel 2024 Karjalan tervhuz’organizacijoihe “Zemskii doktor’”-programman mödhe tuli radole 80 mest: 58 lekarid, 22 feršalad da medsizart.
— Karjalas “Zemskii doktor’” -programm tehtas vodespäi 2012. Programman ühtnikoin oma jo 438 medradnikad. Kaikuččel vodel rahoituz sille ližadub — täl vodel programmale om anttud 90,5 millionad rubl’ad, sanutas Karjalan pämehen press-službas.
Paukad saba medradnikad, kudambad radaba läžundkodiš, miččed sijadasoiš küläs vai lidnas, miččiden eläjiden lugumär ei ole enamb, mi 50 tuhad ristitud.
Mugoižil medradnikoil om socialižid rahatugid: erazvuiččid maksmižid, kodin kortoman kompensacii, maks openduses, stipendii üläopenikoile. Mugažo medradnikoiden täht osttas služebnijad faterad. Vozil 2018−2024 oli osttud 164 mugošt faterad.
Uzištoid neciš temas voib lugeda mugažo karjalaks da suomeks.
