Ystävyskodi: puoles vuvves puoli tuhattu piduo
Karjalan tazavallan ystävyskois puoles vuvves on pietty läs viittysadua piduo — konferensiedu, pyöryžiä stolua, seminuarua da vastavustu.
Karjalan piämiehen kehoitukses luajittu da viizi vuottu toimii ystävyskodi joga nedälii ottau vastah rahvastu da valmistau pidoloi, kuduat on suunnattu Ven’an kanzoin sovun lujoittamizekse. Tämän koin levon al valmistetah projektoi, kuduat yhtistetäh eri kanzoin rahvahii.
— Enimät meijän pivot on lapsile da nuorile tarkoitetut. Vuvvennu 2025 meil oli pietty 713 piduo, tämän vuvven puoles vuvves jo on läs puoldu tuhattu. Ruado rutostuu, ku tämä vuozi meijän muas on ilmoitettu Ven’an kanzoin yhtenäžyön vuvvekse, sanoi Oma Mediale Aleksandra Kuznetsova, Ystävyskoin piälikkö.
Ven’an kanzoin yhtenäžyön vuvvennu ystävyskois pietäh Karjalan rahvahien kielien da kul’tuuroin nedälit, ”kanzallizet gost’upertit”, nuorižofoorumat, konferensiet, kvizat, ruadopajat, opastusprojektat da äijy midä tostu.
Aihies voit lugie ven'aksegi.
Yhty Oman Median kanualah MAX:as!
