Vottovuara jiäy tašavallan omaisuoh
25.10.2021
Karjalan piämieš luati piätökšen lopettua Vottovuaran muapalojen nuijakaupan. Niitä ei anneta yksityisomaisuoh, ka jätetäh tašavallalla.
Vottovuaran ainutluatuista luontuo on šäilytettävä. Kuva: Uljana Tikkanen
Karjalan piämiehen Artur Parfenčikovin piätökšen mukah Vottovuara jiäy tašavallan omaisuoh erittäin šuojeltavana paikkana.
– Meijän tavoittehena on šäilyttyä tämän ainutluatusen paikan ta luatie šielä ekologiselta puolelta turvalliset matat. Näitä kyšymykšie rupieu ratkaisomah erikoini laitoš, kummaista nyt muovoššetah, korošti piämieš.
Viime vuosina turistien miärä Vottovuaralla kašvau. Jotta šäilyttyä šen luonnon koškomattomana pitäy kunnoššuttua lepopaikkoja, tarkaštua mečän puhtahutta, viijä pois ruhkat, rakentua ulkohuonehet ta puušiltaset vuaran poluilla.
POJAVAD KIRJUTESED
