Volont’uoru: omatahtozien ruadajien abuu tarvitah
Priäžän kylän Melliččy-fondu pidi lyhytaigazet omatahtozet praktiekat -pivon Karjalan volont’uoroih niškoi. Sih tuli omatahtozesti ruadajua Petroskoin da Kostamuksen linnan alovehilpäi, Anuksen, Sordavalan, Kondupohjan da Onieganrannikon piirilöispäi.
— Pivos olles lövvin vastavukset erähih kyzymyksih. Nygöi tiijän, kui tärgei on tarkah ellendiä, mittustu spetsialistua volont’uoroin roulis tahtozit nähtä omis pidolois. Ku lienne volont’uorat ei kehoiteta teile omua abuu, sit vikse työ etto tarkah sellitännyh, mittustu neruo vuottazitto heis, sanoi Oma Mediale Kižin muzein DobroKiži-liikeheh kuului Anna Anhimova.
Kolmen päivän aloh volont’uorat valmistettih omii ruadoprogrammoi. Nygöi heil on aigua kaččuo net tarkah da 2. sulakuudu hyö ruvetah niidy puolistamah. Arvostajat vallitah parahat ezitykset da ruadoprogrammat, kuduat suajah varua omil alovehil omatahtozien ruadajien avul piettävih ”pyhänpäivän pidoloih”.
— Minä ”pyhänpäivän pivokse” valličin Kižin suarel piettävy Suuri kalafestivuali, kudai pietäh 12.—13. kezäkuudu, muzeil pidäs sih volont’uoroin abuu, jatkau Anna Anhimova.
Lyhytaigazet omatahtozet praktiekat -pido piettih Matkusta auttajen -projektan hantuzis da Karjalan tazavallan piämiehen grantufondan kannatuksel.
