“Vieljärven ikkunoih” sytytetäh tuli
Vieljärven kylän rahvas kevätkuun lopus luajittih ičele yhtevyksen S.S.S.R. Hyö tahtotah elavuttua oma lehti “Vieljärven ikkunat”.
Vieljärven ikkunat -lehtie luajittih Vieljärven kyläs vuozinnu 2011 – 2016. Se piäzi ilmah kerran kuus kuvveltostu sivul. Se oli muite muis, mindäh sendäh oli ainavo Karjalan tazavallas iče rahvahan luajittu, ilmai valdivollistu jen’gua. Lehten perustajat oldih vieljärveläzet Nadežda Stafejeva da Konstantin Andrejev.
S.S.S.R.:n paginanvedäi Natalja Antonova ottavuu piätoimittajan ruadoh. Uuzi noumeru rodieu oraskuun puolivälis.
– Lehti roih omistettu “Vieljärven ikkunoin” enzimäzele piätoimittajale Nadežda Stafejevale, kudai nuorete joudui tuonilmazih, sanou Natalja Antonova.
Vieljärveläzet meinatah nelli lehtie vuvves kaheksal sivul. Vieljärven, Kinelahten, Kolatsellän, Heččulan, Jyrgilän da toizien Vieljärven čupun pienien kylien kuulumizet roijah täs nägyvis. Vieljärven ikkunat -lehti on ven’ankieline. Natalja Antonovan sanoin mugah, hyö opitah pujoittua sinne karjalankielisty materjualuagi.
