24. redukud Vepsän fol’kloran keskuses, mi om Piterina agjan Vidl-küläs, mäneb Regionankeskeine vepsän kelen tundijoiden festival’-konkurs.
Ühtnemaha festivalihe kuctas lapsiden fol’klorkollektivoid Karjalaspäi, Piterin da Vologdan agjoišpäi. Ühtnikoiden igä om 5-18 vodehesai. Konkursaks lapsile pidab vaumita kaks’ tegendad: kollektivižen käzitön, mitte starinoičiži vepsän mas, vepsän rahvahas da sen tradicijoiš i sädaitegendan – pajon vai teatraližen ozutelusen kodiröunas.
– Regionankeskeižeks festival’ tegihe vodel 2017. Se pidetas meiden küläs kerdan kahtes vodes. Lapsed kaiken tahtol vaumičesoiš sihe, sanub, Vepsän fol'kloran keskusen radnik Ol'ga Spirkova.
Miše ühtneda konkursaha, necen voden 1. päivähäsai redukud pidab oigeta pakičusen Vepsän fol’kloran keskusen elktronižele počtale. Kaik tarbhaižid tedoid da konkursan ühtnendan sändoid voib löuta täs.