Vepsän kelen openduzkirj tegihe popul’arižeks lugijoiden keskes
“Periodika” -painištos läksi eloho “Sanu, luge, kirjuta!” -openduzkirjan ližatiraž.
“Sanu, luge, kirjuta!” -openduzkirj om oigetud lapsile da vanhembile, kudambad zavodiba opeta vepsän kel’t vai tahtoiba paremboitta ičeze augotižtedoid. Kirjas voib löuta grammatišt materialad, vepsän kelen vaihištod, harjoitusid, melentartuižid tekstoid lugemižen täht.
— Eloho läksi kirjan völ 800 ekzempl’arad, 300 niišpäi mö jätim ristituile, kudambad kävuba meidennoks vepsän kelen kursile. Toižed andoim Karjalan rahvahaližen da regionaližen politikan ministertvaha. Nece openduzkirj om popul’arine, sidä äjan kävutoittas vepsän kelen opendamižen aigan, sanui “Periodika” -painišton pästandan erišton pämez’ Tatjana Tiškova.
“Sanu, luge, kirjuta!” -openduzkirj oli paindud vodel 2024 subsidijale, mitte anttas Pohjoižen, Sibirin da Edahaižen Päivnouzman igahižiden vähäluguižiden rahvahiden ekonomižele da socialižele kehitoitandale.
Tarkištele "Oma Median" MAX-kanalad!
