Venäjän ylioppilahat voijah opaštuo etnotoimittajiksi
Venäjän 18–30 vuotiset ylioppilahat voijah piäššä opaštumah Etnotoimittajan kouluh. Nuorie kučutah koko Venäjältä. Opaššušohjelman aikana opaštujat šuahah peruštietoja etnotoimittajan ruavošta ta valtijollisen kanšallisen politiikašta, ruvetah opaštumah valmistamah materialija kanšallisukšien välisien kyšymykšistä.
Kurššilla on kakši ošua: alovehellini ta federalini. Opaštuo voipi online tahi ofline.
— Viime vuotena innokkahimpina oltih online-kurššien ošallistujat. Hyö oikein tahottih piäššä kurššin federaliseh ošah, šentäh ni ruattih enemmän. Kuot’t’elkua, jokahisella on mahollisuš piäššä kouluh, šano projektin johtaja, Etnotoimittajien ammattikunnan presidentti Margarita L’ange.
Opaššukšeh piäššäh oppilahat, kumpaset šyyškuun 15. päiväh šuaten lähetetäh ehokkahan kirjtuš ošoittehella ta šen jälkeh piäššäh pakautteluh. Etuna on opaššuš alan laitokšilla ta kokemuš toimittajan tahi bloggerin ruavošša.
Opaššuš pietäh tänä vuotena šyyškuušta talvikuuh. Lisyä tietuo lukekkua nettišivulla.
Aihiešta voit lukie niise vepšäkši.
