Ven’an kanzalline keskus: Karjalan tazavallan päivät algavutah
Ven’an kanzallizen keskuksen Suarnoin kirju -ozuttelun alovehel 27. pakkaskuudu — 1. tuhukuudu pietäh Karjalan tazavallan päivät. Pidoloin aigah sie suau tuttavuo Ven’an pohjazen kolkan kul’tuurah, luondoh, perindölöh da mustomerkilöih.
Karjalan päivien tärgevimänny tapahtumannu rodieu Karjalan tazavaldu — 2030 -kehityksen strateegien prezentatsii. Sih nähte 20. pakkaskuudu rubieu kerdomah Karjalan piämies Artur Parfenčikov. Samannu piän allekirjutetah sobimus Prezidentan alguhpanoloin fondan kel da pietäh ruadovastavus ”Transmašholdingan” piämiehen Kirill Lipan kel.
Erinomastu huomivuo Karjalan tazavallan päivien aigah kiinitetäh nuorižoh da pereheh.
— Pakkaskuun 31. päivänny Karjalan piämies vastavuu Zaporožjan alovehen Vasiljevka-linnan školaniekoin kel. Yhtes hyö kačotah Karjalan tazavallan stendua ozuttelulois ”Suarnoin kirju” da ”Matku Ven’ua myöte”, ilmoittau Ven’an kanzallizen keskuksen saitu.
Paiči sidä Ven’an kanzallizes keskukses allekirjutetah yhteisruavon sobimus Karjalan da Junarmija-liikkehen kel.
Päivän lopus Artur Parfenčikov vastvauu lapsekkahien perehien kel, kudamile enne lahjoitettih matkat Moskovan linnah.
Ozuttelus ”Suarnoin kirju” suau nähtä karjalazen volokuvuajan, Ven’an lehtimiehien liittoh da Ven’an muantiijonseurah kuulujan Igor’ Georgijevkoin foto-ozuttelu, kudai on omistettu Jumalan kirkastuksen kirikön kohendusruadoloin loppemizele Kižin suarel.
Aihies voit lugie suomeksegi.
Yhty Oman Median kanualah Telegramas!
