Monien kanšalaisien vetomukšien mukah elokuun 11. päiväštä alkuan on järješšetty matkuajakuletukšet № 609 Petroskoi–Jessoila–Nuožjärvi–Priäžä–Petroskoi- ta № 609А Petroskoi–Priäžä–Nuožjärvi–Jessoila–Petroskoi -kaupunkienvälisie reissuja myöten.
Reissuja järještäy Karjalan tašavallan Karelavtotrans Servis -valtijonyrityš uušilla Gazel’ Next -autobuššiloilla.
– Matan aikana on šuunniteltu šeuruavie šeisatukšie: Ala-Besoučča, Ylä-Besoučča, Čalnan keškušta, Viitana, Puadjärven ašema, Villamäki, Kutižma, Kuudama, Siämäjärvi, Ol’okka, Jessoila, Korza, Rubčoila, Alašalmi, Mišinšelkä, Kiiskiniemen huara, Nuožjärvi, Kaskesniemen huara, Man’gankylä, Uuši Man’ga, Priäžän autoašema, Matrossa, Poštankylä, Vilkan keškuš, kerrotah Karjalan tašavallan tietalouven, kuletukšen ta yhteyven ministerijön VK-šivulla.
Autobuššit lähetäh matkah Petroskoin rautatieašemalta joka serota. Reissu № 609 Petroskoi–Jessoila–Nuožjärvi–Priäžä–Petroskoi lähtöy kello 6:45 ta reissu № 609А Petroskoi–Priäžä–Nuožjärvi–Jessoila–Petroskoi – kello 13:15.
Reissujen aikataulu on šuatavissa Petroskoin autoašeman nettišivušta.