Uuši palvelu auttaa autoilijie
Karjalan halličuš otti käyttöh chatbotin, kumpani antau nykyaikaista tietuo polttoainehen šuatavuošta polttoainehašemilla. Uuši palvelu toimiu testitilašša. Asiešta ilmottau Karjalan tašavallan piämiehen lehistöpalvelu.
— Chatbot tiijottau autoilijie avuamisešta ta teknillisistä väliajoista polttoainehašemilla šekä polttoainehen šuatavuošta. Täh aikah tieto koškou Petroskoita, ka lähiaikana valmistajat šuunnitellah ottua käyttöh versijo, kumpani tiijottau koko tašavallašta, kerrotah tiijotukšešša.
Halukkahat šuahah käyttyä uutta palveluo Vkontaktešša. Viessissä pitäy työntyä status-šana. Toini bot rupieu toimimah MAX-viestipalvelušša.
Polttoainehašemien verkkojen etuštajien mukah polttoainehen varat ollah stabiliset ta vaššatah normija.
Aihiešta voit lukie niise šuomekši ta vepšäkši.
Yhty Oman Median MAX-kanalah!
