Uuši kilpailu ilmotettih karjalaisien runojen esittäjillä

Eeppisien runojen laulajat voijah ošallistuo tašavallan kilpailuh. 0+ Kuva: Uljana Tikkanen

Karjalaisien runojen vuuvven ohjelman rajoissa pietäh runonlaulajien kilpailuo.

Tašavallan kilpailuh voijah ottua ošua kaikki, ket lauletah ta esitetäh Karjalan eeppisie lauluja, runoja ta bilinoja.

– Kilpailuh šuau lähettyä karjalaisien runojen erilaisie lajija: eeppisie, lirisie, tuuvituš- ta hiälauluja, taikašanoja ta uušie lauluja. Ilmotauttuo kilpailuh šuau 20. šajekuuta šuaten. Kilpailun tulokšet ilmotetah 15. pimiekuuta, kerrottih kilpailun järještäjät.

Kilpailun järještäjänä on Etnokulttuurisien alottehien kehitykšen ta kannatukšen šiätijö, šitä kannattau Karjalan tašavallan kanšallisen ta alovehellisen politiikan ministerijö ta Kanšantaitehen keškuš.