Uden Venäman projektan aigan tehtihe videorolikad Karjalan igähižiš rahvahiš
Venäman Rahvahiden azjoiden federaline agenstv tegi ”Audiovizualine Venäman rahvahiden enciklopedii”, miččen pätegendan om starinoita Venäman igähižiš rahvahiš.
Rahvahiden azjoiden federaližen agenstvan projektan pätegendan om starinoita Venäman äirahvahaližudes da sen äjudes. Projektan sebr tegi videorolikoid, miččiš starinoitas Venäman igähižiden rahvahiden kul’turan, elon, veroiden da keliden polhe.
Projektan aigan Karjalas tehtihe videorolikad, miččed starinoičiba karjalaižiš da vepsläižiš. Videorolikas vepsläižiš pähenged oma Šoutjärven muzejan pämez’ Natalja Anhimova da Karjalan arvostadud artist Aleksandra Aniskina.
— Videorolik vepsän rahvahan polhe starinoičeb vepsläižiden kul’turas, elos da miruhu kacundas. Om čoma, miše vepsläižed oma neciš ”enciklopedijas”. Tahtoižin, miše nece projekt mäniži edemba da kaik enamba ristituid tedaiži meiden rahvahan polhe, sanub Aleksandra Aniskina.
Kacta rolikad veplsäižiš voib tägä.
