Tervehyšlaitokšien uuvvissuš jatkuu Karjalašša
Karjalan tervehyšhuoltoministerijö šano, jotta uuvvissuš jatkuu Karjalašša katkuamatta. Uušie laittehie oššetah piirien kaupunkien šairaloih, pos’olkojen ta kylien liäkärien vaštahottopaikkoih. Kuletušvälinehie niise uuvvissetah.
– Belomorkin piirissä šuatih varuštehie enšiapuo varoin. Šamoin kaupunkissa jatkuu pol’ničan keškiošašton korjauš. Šen lisäkši kakši autuo oli oššettu piirin pos’olkoja varoin. Sortavalan keškipol’ničča šai uušie autoja. Niillä ruvetah ajattamah liäkärie vaštahotoilla läsijien luokše, kumpaset ollah kotihoijošša, kerrottih Karjalan tervehyšhuoltoministerijön lehistöpalvelun spesialistit.
Enšimmäisen tervehyšhuoltolaitokšen modernisointi noštau liäkäriavun kunnon tašuo. Ennein kaikkie šitä tarvitah tašavallan piirilöissä.
