Perintehellistä Pyhänlaškuo juhlittih eklein. Šuurta pruasniekkua järješšettih ta šatoja vierahie otettih vaštah Talviukon luona.
Šieläki piettih enšimmäistä šulččinan festivalie. Karjalan ravintolat valmissettih šulččinoja kaikenmoisien täyttehien kera: mujehen, rahkan, mannahutun, prossan ta potakan kera. Arvostelijat, kumpasien joukošša oli ni Karjalan piämieš valittih makeimmat.
— Perintehelliset šulččinat paissetah Karjalan kylissä omin tavoin. Šentäh enši festivalissa olis hyvä, još kilpailuh otettih ošua šulččinat tašavallan eri paikoista. Näin myö niämmä ruuvvan erikoisukšie. Niise še on tervehellistä ruokua. Kanšallisen ruokakulttuurin perintehillä pitäy kašvattua nuorie ta lapšie, šano Karjalan piämieš Artur Parfenčikov.
Festivalin kilpailun arvoštelijat valittih parahat šulččinat, niitä paissetah Lamba-kahvilašša. Talviukon puurnut-kahvila voitti Karjalan piämiehen valinta nominatijošša.
Pihan keškitorilla oli äijän vesselie tanššija, lauluja, kisoja ta leikkijä. Juhlaohjelmalla talvie kaimattih ta kevättä vaštah otettih. Konsertissa esiinnyttih Karjalan folkoriryhmät ta kerrottih vierahilla Pyhälašun viettämisen perintehistä šekä opaššettih lapšie ta aikuhisie kisuamah ta tanšimmah.