Tähti-šeura on omisettu karjalaisella kulttuurilla
Tänä vuotena Petroskoin valtijon yliopistošša järješšettih karjalan kielen ta kulttuurin šeura “Tähti”. Še yhistäy yliopiston eri instituuttien opaštujie, kumpaset tahotah luatie karjalaista kulttuurie šuositummakši. Šeuran luatijina ollah Maksim Kuropov (projektin ohjuaja), Ruslan Sajenko (toimenpitojen järještäjä) ta Timur Kopirin (VK-ryhmän vetäjä).
— Meilä oli kummallista, jotta koko yliopistošša ei ole karjalaisen kulttuurin šeurua. Šentäh myö piättimä järještyä še. Šeurašša myö tahomma popularisoija karjalan kulttuurie ta kieltä. Rupiemma kiäntämäh medioita, esimerkiksi videopelijä karjalakši, jotta kultturista kiinnoštunuijen ihmisien ikä nuorenis, šelitti šeuran peruštaja Maksim Kuropov.
Nyt šeuran jäšenet valmissetah pelie karjalaisista šananlašuista koululaisie varoin. Še on Maksim Kuripovin vielä koulušša valmissettu projekti. Jatkošuunnitelmissa niise on karjalan kulttuurilla ta kielellä omissettuja toimenpitoja, kuin esimerkiksi älypelit, avonaisie pakinoja, temattisie vaštautumisie.
