Suojärven piiris istutettih 12 gektuarua meččiä
Aktsii piettih 21. elokuudu Suojärven mečänhoidoalal Vegarusskoin ozastol. Suojärven piälimäzen mečänhoidoalaln da Zapkarelles -laitoksien ruadajat da volont’ourat istutettih enämbi 12 tuhattu pedäjän taimendu 6,4 gektualal.
– Suojärven piiris jo on istutettu 580 gektuarua da on kylvetty 670 gektuarua meččiä. Pluanan mugah tänävuon pidäy kylviä da istuttua kaikkiedah 4,2 tuhattu gektuarua meččiä da vie 3 tuhattu gektuarua on miärätty mečän luonnollizeh kazvamizeh, sanoi Suojärven piälimäine mečänhoidoala -laitoksen johtajan sijahine Aleksandr V’atkin.
Kaikkii ruadoloi meččien kundoh panendakse pietäh meččien vuogruajat. Mečänhoidoaloin ruadajat pietäh silmäl tädä ruaduo. Syvyskuus kačotah, juurruttihgo taimenet, pidädöy, ga istutetah ližiä.
Mečän kundohpanendua Karjalas jatketah. Tulii Säilytämmö mečän -aktsii pietäh Priäžän piiris.
