Rahvahah taido: voibi suaha valdivon kannatustu
Ven’an kul’tuuruministerstvu ilmoitti abuden’goin kilvan alguh nähte. Sen vuoh tulien vuon kannatetah rahvahien taijon kehittämizekse suunnattuloi projektoi. Kilbah voijah yhtyö yhteiskunnallizet liitot. Kannatustu suajah projektat, kudamien vuoh säilytetäh da kehitetäh kanzallizii perindölöi.
— Zajavkoi yhteiskunnallizis liittoloispäi, kuduat tahtottas suaha valdivonkannatustu rahvahallizen taijon kehitykseh suunnattuloih projektoih, otetah vastah 6. kevätkuudu — 5. sulakuudu 2026, on sanottu Ven’an kul’tuuruministerstvan saital.
Voittajii vallitah Elektronb’udžiettu -sistieman avul.
Kilvas tavoitetah kannattua hengellismoraalizien arvoloin säilyttämisty da kul’tuurupoliitiekan lujoittamistu. Kilbah yhtynyzil abuden’goin avul rodieu mahto omin väin luadie rahvahan taiduo kuulužakse.
Aihies voit lugie vepsäksegi.
Yhty Oman Median kanualah Telegramas!
