Rad kaikile: 18. sulakud Karjalas mäneb radsijoiden jarmark
Sulakun 18. päiväl zavodiše “Venäman rad. Voimusiden aig” -Ühthižvenälaine joudajiden radsijoiden jarmark. Sille kuctas kaikid radotomid mehid da nenid, ked tahtoiba vajehtada ičeze radsijoid.
— Joudajiden radsijoiden jarmark om voimuz kaikile tahtnikoile kosketadas radonandajidenke, rindatada radon oloid, tedištada uziš eloradoiš da valdkundan tugiš i tundištadas openduzprogrammoidenke, kirjutiba jarmarkan tegijad internet-lehtpolel.
Joudajiden radsijoiden jarmarkan ühtnikoiden täht radonandajad tegeba pagištoitusid: tundijad starinoičeba, kut pidab tehta rez’ume da opetas udehe professijaha – neciš kaikes abutab “Kadrad” (“Radnikkund”) -rahvahaline projekt.
Joudajiden radsijoiden jarmarkan polhe voib tedištada Karjalan rahvahan radonecindan keskusen internet-lehtpolel.
