Puhaš ranta – puhaš Karjala: aktijo on pantu rattahilla
Vuuvven 2026 heinäkuun 1. päiväštä alkuan 14. elokuuta šuaten mänöy Puhaš ranta — puhaš Karjala -nimini ekoaktijo. Asiešta ilmottau šuojeluluonnnonalovehien virašto.
— Myö yhissämmä kaikkija, ketä huolettau Karjalan vesistöjen puhtahuš. Ošallistujina šuahah olla tašavallan eri-ikäset eläjät ta vierahat, muun muašša lapšikkahat perehet, laitokšet ta kanšalaisjärještöt, kirjutti laitoš poštaukšeššah Vkontaktešša.
Aktijon piätapahtumana on Mitein mie pelaššan luontuo -kilpailu, kumpasešša on kolme nominatijuo: Puhtahin ranta -piiruššuš, Ekovideo ta Perehvartijo — valokuva, video tahi piiruššuš perehjoukolta
Halukkahien pitäy viettyä aikua Karjalan vesistön rannalla, kerätä roškua, luatie työ käyttämättä neiroverkkoja, julkaissa poštauš #ЧистыйБерегКарелия2026 -hashtegin kera ta täyttyä kyšelylista VK-ryhmäššä.
Yhty Oman Median MAX-kanalah!
