Petroskoissa järješšetäh Vierissän avantokylpömistä
18.01.2023
Tänä vuotena Petroskoin rantakavulla järješšetäh turvallista paikkua Vierissän kaštautumista varoin.
Petroskoissa ei pietty avantokylpömistä kahen vuuvven aikana. Kuva: Margarita Kemppainen
Vierissän yönä 19. pakkaiskuuta petroskoilaiset voijah kaštautuo järješšettyh avantoh Petroskoin rantakavulla Pietari Šuuren muistopaččahan viereššä. Paikalla ruvetah päivyštämäh poliisimiehet, liäkärit ta pelaštajat. Jotta ihmisillä oli mukavampi avannon viereššä ašetetah lämpimie telttoja.
‒ On tärkie, jotta toisissa paikoissa on kielletty kylpie avannošša. Jotta pityä turvallisutta Vierissän yönä järješšetäh tarkaššukšie, šano Petroskoin piämieš Vladimir L’ubarskii.
Hakemuš kaštautumisen pitämiseštä Petroskoin hallintoh lähetti Karjalan kasakkien järještö. Uintie pietäh yöllä kello 00:00 – 03:00. Jiän pakšuš avannon paikašša on 26-27 senttie.
POJAVAD KIRJUTESED
