Sennaja-lagevo on sijoitannuhes Petroskoin keskuččah Kuibiševan da German Titovan pihoin tiešuaral. Sennaja-lagevol vuvvennu 1889 nostih pieni puusto, kudai vuvvennu 2015 sai Ivan Sen’kinan nimen. Nimilaudaine azutettih Ivan Sen’kinan puuston kunnostamizen projektan mugah.
– Tahtozimmo azettua nimilaudazet toizihgi kohtih pitkin pyörytielöi. Rahvahal rodieu mahto tiediä enämbän eri kohtien nimis da histouries, kerdoi Petroskoin Kunnostamizen da ekolougien haldivon piälikkö Anna Dudirina.
Karjalan arhitektuuran da linnanrakendamizen haldivos kačotah azettua kaksikielizet adressilaudazet Petroskoin rakenduksih.
– Karjalan sanastokomissien ruadajat Ol’ga Ogneva da Jelena Ruppijeva kiännettih enämbi Petroskoin pihoin 1 300 nimilaudustu. Nimilaudazet azetetah Petroskoih vuvven 2021 aloh, sanoi Karjalan Kanzallizen da alovehllizen poliitiekan ministerstvan kandurahvahien valdivollizen kannatuksen ozaston piälikkö Jelena Migunova.