Petroskoin rantakavun istorijallini ulkonäkö šäilyy
Šuuren uuvvistamisen jälkeh Petroskoin rantakavun istorijallini ulkonäkö šäilyy. Šiitä ilmotti Karjalan piämieš Artur Parfenčikov Alovehen johtokeškuš šelittäy -šuoran lähetykšen aikana. Asiešta kertou Karjalan tašavallan piämiehen lehistöpalvelu.
— Oša vuapukanväriseštä kvartsiitista otettih pois ta kuletettih Avtospetstrans-yritykšen varaštoh. Uuvven piällykšen pohjah jiänyttä kvartsiittie oli mahotointa ottua pois piluamatta šitä. Onnakko kvartsiittipiällyš on šäilytetty Sv’atnavolotskaja-aukivon 1000 nelijömetrillä, lainuau lehistöpalvelu Artur Parfenčikovin šanoja.
Töijen šuorittamista tarkaštau yhteiskunnallini ryhmä Karjalan tašavallan kanšalaiskamarin johtajan Vasilii Katarovin joholla. Ryhmä monta kertua kävi objektissa ta käsitteli eri ratkaisuja BIOEN-yritykšen etuštajien kera, muun muašša kvartsiitin käyttyö. Purettuo kvartsiittie käytetäh, jotta kunnoštua alovehta Kalaštajat-veššokšen lähellä. Alovehen piämiehen mieleštä še antau šäilyttyä istorijallisie elementtijä ta käyttyä nykyaikaista kivie.
Turismi ta vierahanvaraisuon ala -projektin rajoissa on šunniteltu rantakavun pihavalon modernisointa ta pienoisveššokšien ašettamini. Työt on lopetettava šykšyllä.
Yhty Oman Median MAX-kanalah!
