Petroskoih kerävyy kai Ven’a
Rahvahien horien da ansambliloin Pajattau oma kylä -festivuali-kilbu pietäh Petroskois 1.-3. ligakuudu. Festivualih ytytäh pajojoukot Karjalan da Ven’an eri čuppuloispäi, sanommo Murmanskas da Komin tazavallaspäi. Festivualin aigua enzimäzenny päivänny pidoh yhtynyzih niškoi pietäh Tulgua terveh Karjalah -konsertu, kudai voibi kaččuo online. Toizennu piän rodieu kilbu, kuduas on nelli nominatsiedu: rahvahan pajon ansamblit, folklourujoukot, rahvahan horat da tansi- da pajoansamblit. Festivualin jälgipiän 3. ligakuudu Petrovskoin dvorčas pietäh Pajatammo yhtes -galakonsertu.
Festivualih yhtyygi Karjalan rahvahan Oma Pajo -hora.
– Festivualin avajazis pajatammo Se meijän Karjal -pajon. Yhtymmö kilbah, horan miehet huikatah karjalazii runoloi, saneli Oma Pajo -horan pajattai Margarita Kemppainen.
Ližiä tieduo voibi suaja täs.
