Paras julgavoprojektu ozuttau Karjalan luonduo
Fotoal’bom, kuduah kuulutah Vodlajärven da Vottovuaran luonnonpuustolois luajitut kuvat, sai korgeviman arvosanan. Se yhtistäy enämbi 20 fotokuvuajien tevostu da ozuttau pohjazen alovehen ainavoluadustu luonduo.
Kirju on suannuh kanzallen Rassvet-palkindon da piäzi enzimäzele sijale Paras julguajan projektu -nominatsies. Sih nähte kerdou Vodljärven kanzallizen luonnonpuuston lehtistöpalvelu.
— Al’bomal ei ole alguu da loppuu — sil on kaksi kantu. Se on ku zirkalo: joga puoli on omistettu yhtele puustole da keskel niilöin histouriet vastavutah. Tämän keinon vuoh myö korostammo piälimästy ajatustu: hos puustot ollah Karjalan eri piirilöis, niidy yhtistäy yksi ainavo kallehus — pohjazen ainavoluaduine luondo. Histourieloi voibi lugie joga puoles algajen — uvvessah da uvvessah, on sanottu lehtistöpalvelun tiedottehes.
Kanzalline Rassvet-palkindo on perustettu Koskemattoman luonnon kuvuajien liiton kehoitukses. Se kannattau tärgielöi projektoi, kudumat nostetah luonnon kaiččemizen opastustu korgiembale da ozutetah luonnon akkiloiččemizen tärgevytty. Palkindol merkitäh ei vaigu fotoruadoloi, se annetah fil’moin, opastus- da julgavoprojektoin todevuttamizes.
Yhty Oman Median kanualah MAX:as!
