Pajata karaoke karjalakse — Tallendehes enämbi 20 pajovideodu
Karaoke karjalakse -tallendeheh on kerätty pajoloi eri stiil’ua, sanommo, rock- da folk da kiännettylöi šl’ageroi. Pajuo ollah karjalan kielen kaikil murdehil. Nygöi tallendehes on enämbi 20 pajovideodu, pajoloin keskes ollah: Myllärit-joukon “Petroskoi”, Loimolan voima -joukon “Hyrzylä” da Sattuma-joukon “Soutelemma joutelemma”.
Karaoke karjalakse -tallendeh valmistetah Parempi Pajot -projektan mugah.
— Projektan avul kuhkutammo rahvastu tiijustamah enämbiä karjalazien kul’tuuras. Karaokevideot on vessel taba tuttavuo karjalazien kul’tuurah da kieleh, on varmu karaoketallendehen valmistai Jussi Sinkkonen.
Parempi Pajot -projektan hantuzis Suomen Kontiolahtes 8.—9. ligakuudu pietähgi Pajot Sygyzy -festivuali. Laval ezitytäh “Pekko Käppi & K:H:H:L”, “Loimolan Voima”, “Burlakat”, “KarjalaBrihat”, “Sláinte Karelia” da toizet muuzikkujoukot.
