”Maidjoged, kisel’randad” – mugoine sarnaline nimi anttihe ozutelusele, kus om ezitadud enamba 50 harvinašt Venäman Pohjoižen verokalud savespäi. Kacujad voiba nägištada astjoid kislin, kuličiden täht, veroastjoid, miččid kävutadihe sajan vai mahapanendan aigan, i toižid kaluid savespäi. Kiži-muzejan arhivaspäi kaluiden ližaks, ozutelusel om ezitadud tetaban vepsläižen keradajan Maksim Maksimovan personaližen keradamištospäi 40 verokalud savespäi.
— Kerazin niid enamba 10 vot. Täs om harvinaižid kaluid, miččed om todud ekspedicijoiden aigan külišpäi. Kalud oma Änižröunaspäi, Zaonežjespäi, Vologdan da Arhangel’skan agjoišpäi, erased oma unikaližed, niid ei voi löuta nikus jo, erasid minä ostin kidamöndal, sanub Maksim Maksimov.
Ozuteluz radaškandeb necen voden lophusai adresadme Kirovan avoird, 10 ezmärgespäi pätničahasai.