Šoutjärves mäni Külän päiv
Šoutjärvehe Külän päiväle tuliba artistad Voznesenje-küläspäi: “Änižen zor’ad” -kollektiv, “Fejeria” -lapsiden kargsebr, “Seičeme notad” -vokal’ansambl’. Kollektivad eziniba scenal, mitte om külän keskes läz administracijan pertid.
— Programm tuli minei mel’he. Neičukaižed lujas čomin kargaižiba, heil oliba melentartuižed dekoracijad da sädod. Akad hüvin pajatiba ilokahid pajoid. Praznikan aigan oli sebrakaz il’mišt: eläjad vasttihe, pagižiba toine toiženke, sanui külän eläi Ales’a Anušenkova.
Mugažo praznikal radoiba möndrivid, kus kaikutte tahtnik voi ostta muštoks Karjalan mastariden tehmusid.
Kanman Külän päiväd, 10. elokud, Šoutjärves mäniba lendmäčvandon, jaugmäčvändon, pionermäčvändon da mugažo armrestlingan sportvoibištelenad. Niihe ühtniba külän pened da aigvoččed eläjad.
Praznik lopihe diskotekal.
