Šoutjärves kudenden kerdan tehtas “Loninan lugendad” -kodirandan konferencii
Šoutjärves kudenden kerdan tehtas “Loninan lugendad” -kodirandan konferencii.
Konferencii mäneb 22. redukud. Sil keradasoiš Karjalan da Piterain agjan vepsläižed i ristitud, kudambad radaba vepsän kul’turan kaičendan poles.
Dokladoidenke konferencijal ezineba Kelen, literaturan da istorijan institutan, Karjalan Rahvahaližen muzejan i Karjalan Taidehmuzejan radnikad, joukvestišton ezitajad, erazvuiččiden sebroiden ohjandajad da ühtnikad, školiden opendajad da openikad. Täl vodel “Loninan lugendad” -konferencii om omištadud “Vepsän kul’tursebran@ 35-voččele päiväle.
— Nece om hüvä sü tehta ühthevedod, analiziruida meiden radod, vastatas sebranikoidenke, säta uzid planoid tulijaks aigaks, sanub “Vepsän kul’tursebran@ pämez’ Larisa Čirkova.
Dokladad tehtas venän da vepsän kelel.
