28. redukud vepsläižes Šokš-küläs mäneb tradicionaline ”Pened Pimenovan lugemižed”-konferencii škol’nikoiden täht. Konferencii om omištadud šokšulaižele sauvojale da kundaližele tegijale Mark Pimenovale.
Ühteta konferencijaha voiba lapsed, norišt, školiden openikoiden sebrad, rahvahaližiden kul’tursebroiden da joukvestišton ezitajad.
— Kodiman istorijan oppind, kaičend, lapsiden mel’- da sädandmahtoiden kehitoitand – nece om vaiše pala tegendoišpäi, miččid paneba sil’mn’gubale konferencijan tegijad, sanub Vepsän kul’tursebran pämez’ Larisa Čirkova
Konferencijan tegijad oma Šokšun škol, Vepsän kul’tursebr, Rahvahaližen da regionaližen politikan ministerstv ühtes ”Kodima”-lehtesenke, a mugažo Kalagen da Šoutjärven školad
Pakičusid voib oigeta adresadme redukun 20. päivähasai.