Sulakun 20.päiväl Šoutjärves mäneškab ”Todesižed vepsläižed”-konferencii openikoiden täht. Konferencijaha voiba ühteta kut Karjalan školiden openikad, muga openikad Vologdan da Piterin agjoišpäi-ki. Täl kerdal konferencijan tem om omištadud opendajile.
— Nece voz’ om tedotadud kut Opendajan voz’. Tahtoiše kingitada openikoiden hoimaitust neche temaha, johtutada opendajiden dinastijoid, opendajid, kudambad tegiba suren panendan opendusen kehitoitandaha i painastiba openikoiden eloradon valičusehe, sanui Šoutjärven školan pämez’ Natalja Bikova.
Ičeze dokladoiš openikad voiba starinoita opendajiš, kazvatajiš, pämehiš, kudambad tegiba suren panendan vepsän rahvahan kul’turan kehitoitandaha da kaičendaha, ičeze školan istorijas, parahimas opendajas, opendajan eloradon znamoičendas ühthižkundan kehitoituses.
Tarkas koferencijas voib lugeda täs.