Omamualazet: pagin karjalan kieles da kul’tuuras
Tänä vuon merkivuozii täyttäi karjalankieline Oma Mua-lehti valmisti omassah vuozipäiväkse erilastu piduo. Eräs moine piettih tänäpäi Periodikan seinis. Ruadopajah tuli Lastenpiiri-pajojoukon lastu da linnalastu.
— Varustimmo täkse päiväkse ruadopajat lapsile dai ruavahile. Avvonazet veriät -pidoloin aigah sanelemmo karjalazien ennevahnazih ruutih nähte. Lehten toimittai Margarita Kemppainen ozuttau da tariččou panna piäle karjalazien naizien da miehien XII da XIX vuozisuan aigazii sobii. Maikki Remšujeva sanelou lapsile, mittumii vil’l’oi kazvatettih karjalazet pohjazil mualoil, sanoi Oma Mediale Natalja Sinitskaja, Oma Mua-lehten piätoimittai.
Karjalankielizen lehten 35-vuozipäivän kunnivokse oli pietty suuri pruazniekku vahnas Veškelyksen kyläs da istutettu pihlahastu da koivahastu Petroskoin linnah puistikkoh. Merkivuvvele omistetut pivot suajah jatkuo. Sygyzyl lehten toimittajat uvvessah vuotetah lehten lugijoi da tiluajii omih pidoloih.
