Oma Pajo -kuoron kevätkonserttien šarja jatkuu
Elias Lönrrotin ta kaikkien runonlaulajien muissolla omissettu konsertti piettih 10. šulakuuta Petroskoissa.
Kuoron solistit esitettih kaikilla tuttuja lempilauluja, šekä uušie Pihlaja ta Šatakieli -lauluja, kumpaset niise miellyttih konsertin vierahilla. Anna kandeleh pajostu panou, anna eletah karjalan runot –konsertti piettih Karjalaisien runojen vuuvven rajoissa.
– Konsertin pohjana oli kuoron miehien-solistien esityš. Hyö šyvillä tuntehilla ilotettih meitä laulamisella, šekä meijän šoittaja hienošti šoitti. Kiitämmä kaččojieki, kumpaset avomielisešti nakrettih ta itkettih konserissa, kirjutettih konsertin jälkeh Oma Pajo -kuoron Vkontakte-ryhmäššä.
Oma Pajo -kuoron lauluja kohta voipi kuulla niise Karjalan piirilöissä. Tämän netälin šuovattana, 17. šulakuuta esityš on Karhumäješšä ta enši netälinloppuna konsertti annetah Kontupohjan piirissä Hirvaksešša. 12+
