Oma Mua kerdou karjalazien kieleh da kul’tuurah nähte
Oma Mua -lehten toimittajat käydih Uvven Vilgan školah kerdomah paikallizile opastujile karjalazien kieleh, kul’tuuran da perindölöih nähte.
— Puaksuh kävymmö kerdomah karjalazih da omah ruadoh nähte lapsile da ruavahile. Rahvas mielihyväl kuunnellah meijän kielen da taboih nähte, enimäthäi tässäh duumaijah, ku karjalazil ei ole kirjukieldy, ku myö ”emmo malta kirjuttua”, sanoi Oma Medile Natalja Sinitskaja, Oma Mua -lehten piätoimittai.
Uvven Vilgan školaniekat tiijustettih Periodikan joukkoviestimih da toimittajien ruadoh nähte.
— Kaikis enimäl, tiettäväine, lapsii miellytetäh karjalazet ruutat. Niilöih nähte kerdou Oman Muan toimittai Margarita Kemppainen, jatkau Sinitskaja.
Moizet käyndät tazavallan opastus- da kul’tuurulaitoksih ollah hyvänny perindönny, karjalankielizen Oma Mua -lehten toimittajat ammui otettih sen ruadoneron käyttöh.
Yhty Oman Median kanualah Telegramas!
