Oleg Mošnikov om udes vägestajiden keskes
Hanti-Mansijskan ümbruzkundas pidetihe IV Suomalaiž-ugrilaižiden kirjutajiden konferencii. Sen aigan mäniba “Runoilijoiden voibud”. Ühtnikoikš tegihe avtorad Karjalaspäi, Komišpäi, Marii Elaspäi, Udmurtiaspäi, Mordoviaspäi, Permin da T’umenin agjoišpäi, Jugraspäi. Voibuiš oli äi raundoid. Kaikuččehe raundaha ühtni kaks’ mest, üks’ kudambišpäi jatksi voibištelendad edamba. Muga finalaha jäiba Oleg Mošnikov Karjalaspäi da Oles’a Žuravl’ovskaja Jugraspäi. Vägestusen sai Oleg Mošnikov.
– Ezmäižen kerdan olen ühtnenu mugoižihe voibuihe. Minä lugin ičein runoid vepsän röunas, baboiš da dedoiš, Kiži - sares, minun akas. Runo, mitte abuti minei vägestada voibuiš, om omištadud minun tatale, starinoiči Oleg.
Karjalad IV Suomalaiž-ugrilaižiden kirjutajiden konferencijal eziti viž avtorad: Jelena Soini, Valdimir Sofijenko, Natalja Silakova, Sergei Pronin da Oleg Mošnikov.
Tarkištele "Oma Median" MAX-kanalad!
