Karjalan norištol om voimuz tundištoittas vepsläižidenke. Uz’ projekt ”Vepsän mir: männu da tulii aig tämbei” radaškanzi. Se om omištadud vepsläižile da niiden kul’turale da oigetadud sihe, miše norišt tundištoitaižihe necen rahvahanke.
— Idei tehta mugoižen projektan tuli ”KARELIANA”-projektan aigan, konz norišt tundištoitihe karjalaižiden da vepsläižiden istorijanke da tradicijoidenke. Sid’ tuli sel’ged, miše norištole om mel’he oppida necidä temad tarkemba. Uden projektan ramkoiš oma matkad vepsläižiden jäl’gidme ei vaiše Karjalas, no Vologdan da Piterin agjoiš-ki, sanub projektan pämez’ Natalja Kuznecova.
Ühtnikoid varastaba vepsläižile omištadud seminarad, ekspedicijad vepsläižiden rahvahaližihe sijoihe Karjalas, Vologdan da Piterin agjoiš, tedokirjutesiden vaumičend da lühüdan fil’man tegemine.
Miše ühteta projektaha, tariž täutta pakičuz. Ližatedod voib sada täs.