Muašeuvun kulttuuriruataja: kilpailuvalinnan yhtehvevot on luajittu
Karjalan tašavallašša on piättyn Muašeuvun kulttuuriruataja -ohjelman ošallistujien kilpailuvalinta. Ohjelma kannattau spesialistija, ket tultih ta šiirryttih ruatamah kylih, työläispos’olkoih ta kaupunkiloih, missä eläy vähemmän kuin 50 000 henkie. Asiešta kertou Karjalan tašavallan piämiehen lehistöpalvelu.
— Yhä ušiemmat spesialistit ollah valmehet šitomah omua ammattitoimintua tašavallan piirien kulttuurilaitokših. Še tarkottau, jotta pienien tajuamien eläjät šuahah uušie mahollisukšie, jotta ošallistuo kulttuurielämäh, korošti Karjalan tašavallan kulttuuriministerijö.
Tänä vuotena Muašeuvun kulttuuriruataja -ohjelma kiinnošti enemmän ihmisie. Kilpailuvalinnan ošallistujie oli kakši kertua enemmän kuin vuotena 2025. Yhekšän voittajua šuau yhen miljonin rupl’an kertamakšu ruatopaikan šuamisen jälkeh.
Muašeuvun kulttuuriruataja -ohjelmua toteutetah Pereh-kanšallisprojektin rajoissa
Lisyä tietuo Muašeuvun kulttuuriruataja -ohjelmašta šuau lukie Karjalan tašavallan kulttuuriministerijön saitilta.
Aihiešta voit lukie niise šuomekši ta vepšäkši.
Yhty Oman Median MAX-kanalah!
