Luve “Kybenytty”, yhty uudeh kilbah!
Sinä jo tiijät, ku karjalan kieles on eri piämurrehtu da äijy pagiluaduu, joga kylän rahvas paistah omah tabah. Žurnualan sivuloil eri ristittyöt saneltah sinule omas ičes, a sinä voit arvata heijän eländykohtan, abuh roih toimittajien valmistettu kartu.
Ližiä karjalazien endizes eländytavas täl kerdua tiijustat Okulin ojas, nenä kuival -kirjutukses, kuduas pagin on käzastieh nähte. Karjalan rahvahan perindölöin tiedäi Valentina Karakina on valmistannuh mieldykiinittäjän kirjutuksen sih nähte, kui enne pandih nimet lapsile.
Terväh rodieu hyvä kevätpruazniekku — Naizienpäivy, sih niškoi “Kybenyt” on valmistannuh hyvittelykortin, kudaman sinul ičel pidäy leikata da luadie valmehekse. Paiči muudu täl kerdua “Kipinä” opastau luadimah kabalotyttilöi tilkuzis.
— Täkse vuottu “Kipinä” on ilmoitannuh uvven kilvan “Kenekse minä roimmos”. Työnnä kirjutus libo luaji kuva kilbah syvyskuun 25. päivässäh 2023. Voittajat ilmoitammo kylmykuun noumeras, sanou “Kipinän” piätoimittai Jana Filimonkova.
Enzimäzii kilburuadoloi voibi lugie jo täs noumeras.
