Leikkua da kižua yhtes “Kipinänke”!
“Kipinän” uuzi noumeru on omistettu uvvele opastusvuvvele. Keskisivuloil on tavan mugah opastundukuri. Sih voibi kirjuttua urokat nedälin päivikse. Karjalan kielen opastujile “Kipinä” varusti lappuzet, kudamat pidäy kleijä karjalajan kielen tetratin kandeh. Opastajii voibi hyvitellä karjalakse, sih niškoi “Kipinä” valmisti hyvittelykortit. Yksi niilöis on jo valmis, toine, “Šiilikorti”, pidäy luadie omin käzin.
Žurnualos löydyy pakkaskuun noumeras alletun Karjala-memo -kižan uuzii kartočkoi. Liženöy niidy vie kylmykuun noumerahgi.
Folkloristu Valentina Mironova on sanelluh, midä da kui ruatah karjalazet folkloristat, žurbnualan sivuloil luvet folkloristan ruavon erähii tuloksii, karjalazis kirjutettuloi vahnoi loruloi da suarnu.
Niilöile, ket kebjieh pannah mustoh runoloi, rodieu mieleh vessel kniigaine “Kodiabuniekat”, kudai pidäy leikata da yhtistiä. Uvves žurnualas tiijustat, kui ruatah arheolougat, mittuine siä oli Karjalan alovehel neoliitan aigah, mittumiibo brujii ollah Smena-8, Zorkii da Zenit.
