Eglai Petroskoin taidehmuzejas mäni “Lidnan lirikpajo”-ozutelusen avaiduz. Uz’ ozuteluz om omištadud čomale lidnale ― Petroskoile. Lapsed da aigvoččed ristitud voiba löuta sil äjan melentartušt da hüvin mänetada aigad.
― Petroskoi om Voinan slavan lidn bohatanke istorijanke. Ozutelusen adivod voiba tundištadas Petroskoi-lidnan londuzkuvidenke, miččed om kirjutadud karjalaižiden pirdajiden kädel. Lapsiden-ki täht om vaumitud melentartuine programm. Pazlad, vändod, interaktivižed kartad ― kaik nece varastab eri-igäižid lapsid taidehmuzejas, sanub ozutelusen ohjandai, taidehmuzejan radnik Julia Aprodu.
Mugažo muzejas lapsed voiba mujutada kuvid, oppida taidehkuvid vändos da iče tehta Kirovan avoinirdad interaktivižen kartan abul.
Ozuteluz radab 25. sügüzʾkud ― 12. talʾvkud 2021.
Ližatedod telefonan mödhe 633-800.