Lapsennu opastettu on ku kiveh kirjutettu
Ven’an kanzoin kielien päivänny, 8. syvyskuudu loppihes marafounu ”Lapsennu opastettu — ku kiveh kirjutettu”, kuduan tämän uvven pruazniekan nimeh ilmoitti Kielen, literatuuran da histourien instituuttu.
— Sih yhtyi kaheksa hengie: kengo iče tuli meile instituuttah, ku myö kirjuttazimmo hänen iänen, kenengo iändy kirjutimmo magnitofonale ruadomatkoin aigah. Myö joga kerdua ihailemmo meijän kielen kaunehuttu, kuduadu paistah meijän pagizutettavat. Lapsusaijan tapahtumii mustelles jogahine pagizou sidä kieldy, midä kuulii omis vahnembis, buabolois, omis kyläläzis, suasu lugie marafounan VK-sivul.
Marafounan aigah on kirjutettu Heččulan, Jyrgilän, Vuohtjärven, Lamminsellän, Štekin, Kinnermän, Pižin kylän eläjiä.
Kai marafounan aigah taldeh kirjutetut paginat sijoitetah VepKar-korpussah da audiokartale.
VepKar-korpussah sijoitettuloi tekstoi voibi kuunnelta täs.
Kaikkiedah VepKar:ah taldeh on pandu 219 paginua vepsän kielel da karjalan kielen eri murdehil — livvikse, vienakse da tverinkarjalakse.
Yhty Oman Median kanualah MAX:as!
