Kaiken Venäman ”Lapsen kirjan nedal’”-azjtego möst varastab ühtnikoid. Täl vodel se om omištadud Kornei Čukovskijan 140-voččen jubilejaha. Kogonaižen nedalin Karjalan Rahvahaližes kirjištos pidädas vastused, azjtegod, vändod tahtnikoiden täht.
―Sur’ da melentartuine programm varastab ühtnikoid. Vastused kirjutajidenke da pirdajidenke, mastar’-klassad, openduzčasad, kvizad, teatrozutelused i äi tošt, sanub Karjalan rahvahaližen kirjišton toimitai Natalja Sem’onova.
”Lapsen kirjan nedal’” mäneb 24.keväz’kud – 3.sulakud. Programmad voib löuta Rahvahaližen kirjišton saital.