Kuolematoi polku astuu Petroskoidu myöte
Karjalan tazavallan valdivovaldu hyväksyi piätöksen pidiä tämänvuodehine Kuolematoi polku -aktsii online-muvvos. Sih nähte ilmoitti 30. sulakuudu Karjalan piämies Artur Parfenčikov omassah VK-sivul.
— Ylen äijäl uskon, ku ni mi ei muuta meijän pluanoi. Kučun kaikkii yhtymäh kävelymatkah, ku voizimmo mustoittua niilöi, ket suadih Suuren Voiton meih niškoi, kirjutti Parfenčikov.
Kuolematoi polku -aktsieh yhtyjät kerävytäh Leninan lagevole 13.00 čuasun aigah. Aktsii algavuu 14.00 čuasun aigah.
Oraskuun 7. päivänny Iguine tuli -mustokohtalluo meijän omamualazien erillizes voinuoperatsies surman suaduloin mustokse kaivetah muah kapsulu, kudai tuodih niilöis kohtis.
Mennyt vuon Izänmuallizen voinan voiton 80-vuozipäivänny Kuolematoi polku -aktsieh yhtyi enämbi 55 tuhattu hengie. Sinä vuon 9. oraskuudu aktsii piettih vuvves 2022 alganuon välikodvan jälles.
Aihies voit lugie suomeksegi.
Yhty Oman Median kanualah MAX:as!
