Kulttuuriperinnön popularisointi on uuvven lajin huomijonpisteh
Lajin projekti arvauttelou venäjän ei-ainehellisen perinnön tutkimisen, käyttämisen, šäilyttämisen ta popularisoinnin aloilla šuhtehien kunnoštamista. Niise še tovistau oikeuven kulttuuriarvojen šuamiseh ta oman kulttuurin šäilyttämiseh.
– Šäilyttyän nykypäivih šuaten omua perušmerkityštä ei-anehellini perintö kantau ičeššä kulttuurikehitykšen tärkeitä piirtehie ta ominaisukšie, kumpasissa ilmaisou Venäjän kanšojen istorijallini taival ta kumpasissa näkyy perintehellisen kulttuurin kehityšlinjoja, koroššetah asiepaperissa.
Asiepaperi niise miärittelöy alovehien ta federation šekä paikallisien viranomasien oikeukšie tällä alalla. Lisäksi projekti tariččou Venäjän kulttuuriministerijölla pityä Venäjän ei-ainehellisen entokulttuurisen perinnön kohtehien luvettelo.
