”Kivač”-kaičuztaho tegeb uden konkursan. Sädandradon abul tahtnikad voiba starinoita, midä znamoičeb nece sija heiden täht.
Valdkundaline taidehkonkurs ”Minun ”Kivač”-kaičuztaho” zavodihe. Sihe voiba ühtneda kaik tahtnikad. Konkursan nominacijad oma erazvuiččed: Käzitö, Čomitez irdale, Čomitez kuzen täht, Pirdatuz da Runo.
― Mö tahtoim nägištada, midä znamoičeb ”Kivač” karjalan eläjiden täht. Ičeze töiden abul ristitud voiba jagadas meletusil, löuta neciš sijas čomut lapsidenke. Ühtnikad voiba rata üksnäze da joukus, sanub ”Kivač”-kaičuztahon radnik Valentina Rot’kina-Kačalova.
Konkurs lopiše 10. päiväl tal’vkud. Ičeze töd voib toda Kivač-kaičuztahos, Kondopogas da Petroskoiš. Kaik ližatedod da vägestajiden nimed voib löuta kaičuztahon VKontakte-gruppas vai saital.
Konkursan töd čomencoitaba Kivač-kaičuztahon muzejan ja sömsijan seinid. 0+