“Kolmatoi jouk – 2025” mäneb kaikiš Venäman školiš
“Kolmatoi jouk – 2025” -akcii mäneb kaikiš Venäman školiš da kolledžiš. Männudel vodel azjtegoihe ühtni 10 millionad openikad. Akcijan formatoiš diskutiruitihe Venäman opendusenministranke Sergei Kravcovanke press-konferencijal. Sen polhe om kirjutadud opendusenministerstvan internet-lehtpolel.
— Opendusenministerstv tegeb suren vaumičendradon Suren Vägestusen praznuičendaks. Semendkun 5. päiväl kaikiš školiš vedetas “Paginad tärktas” -urok, mitte om omištadud Sovetskijan Sojuzan rahvahan urohontegole da istorijaližen toden kaičendale, sanui Venäman opendusenministr Sergei Kravcov.
Semendkus “Muzik soitoiden sijas” -projektan aigan školiš kuluškandeb pajoid Suren voinan polhe. Vägestusen muzejan abunke kaikiš školmuzejoiš tehtas “Mušton sein”.
— Oli ližatud istorijan urokoiden lugu. Kaikuččes školas tariž olda 18 istorijan urokad Suren voinan temale 10. klassas, a Stalingradan da Kurskan toriden temoile pidab antta erižid urokoid, starinoitas Venäman opendusenministerstvan lehtpolel.
Uzištoid neciš temas voib lugeda mugažo suomeks da venäks.
