Täl vodel Vägestusen päivän azjtegod mäneba enččes formatas, no ”Kolematoi jouk”-akcii möst mäneb online.
Vägestusen päiväl Petroskoin eläjad voiškandeba muštta voinan urohoid tihedal minutal, tulda tundmatoman saldatan kaumale, panda änikoid Igähižele lämoile. Kirovan avoirdal tradicijan mödhe mäneb Voinan parad.
– Kut proidnudel-ki vodel ”Kolematoi jouk”-akcii linneb online-formatas kogonaižes mas. Mugoine pätand om sidotud koronavirusan pandemijanke, sikš ku vanhad ristitud pidäba ičeze velgan ühteta akcijaha, no mö em voigoi satta heid varuhu, sanub Karjalan pämez’ Artur Parfenčikov.
Ühteta akcijaha voib kaikutte tahtnik. Tarbiž panda heimolaižiden kuvad saitale. 9. semendkud kaik fotod ozutadas Karjalan ”Kolematoi joukon” oigenduses.